Hytaýyň Iu şäheriniň daşary söwda dolanyşygy ýanwar-oktýabr aýlarynda 700 milliard ýuandan artdy
Dünýäniň haryt dolanyşygynyň merkezi hökmünde tanalýan Hytaýyň gündogaryndaky Iu şäheriniň daşary söwda dolanyşygy 2025-nji ýylyň ilkinji 10 aýynda 700 milliard ýuandan (takmynan 99 milliard amerikan dollaryndan) geçdi.
Bu görkeziji 2024-nji ýylyň umumy jeminden geçip, geçen ýyl bilen deňeşdirilende 25,2 göterim artdy. Eksport 24,4 göterim, import bolsa 31,1 göterim ýokarlandy.
Iu şäheriniň gümrük gullugynyň statistika we seljeriş bölüminiň müdiriniň orunbasary Sýuý Sýaobin şeýle diýdi: “Şu ýylyň ilkinji 10 aýynda Iu şäheri 230 ýurt we sebit bilen import-eksport amallaryny ýerine ýetirdi. Olaryň 152-sinde söwda dolanyşygynyň möçberi 100 million ýuandan geçdi, 164-sinde bolsa geçen ýyldakydan 32 göterim ösüş hasaba alyndy."
Şu ýylyň ýanwar-oktýabr aýlarynda Iu şäheriniň Afrika bilen söwda dolanyşygynyň 21,8 göterim, Latyn Amerikasy bilen bolsa 14 göterim artandygyny hasaba aldyny. Günorta-Gündogar Aziýa Döwletleriniň Birleşiginiň agza ýurtlaryna iberilen harytlaryň möçberi 51 göterim ýokarlanyp, batly ösüş bellenildi.
