Hytaýyň Guansi welaýatynda ýokary tizlikli täze demir ýoly işe giriziler
Hytaýyň günortasynda ýerleşýän Guansi welaýatynda uzynlygy 201 km bolan Nanning-Pingsian ýokary tizlikli täze demir ýoly hepdäniň anna güni doly işe giriziler we Nanning şäheri bilen Wetnam serhet araçägine golaý ýerleşýän Pingsian şäheriniň arasyndaky gatnaw wagtyny 70 göterim gysgaldar. Bu demir ýoly iki bölekden ybaratdyr, ýagny onuň Nanning-Çongsuo bölegi 2022-nji ýylda açylypdy we bu ýol şäherleriň arasyndaky gatnaw wagtyny 2 sagat 36 minutdan 52 minuta çenli azaldypdy.
Golaýda gurluşygy tamamlanan Çongsuo-Pingsian böleginiň uzynlygy 81 km bolup, taslama boýunça göz öňünde tutulan tizligi sagatda 250 km barabardyr. Ilkinji tapgyrda her gün dört sany ýokary tizlikli otly jübütleri gatnar we Nanningden Pingsiana iň çalt gatnaw wagty 178 minutdan bary-ýogy 75 minuta çenli azalar.
Ulanyşa giriziljek demir ýoly Nanning şäherinden üstaşyr milli demir ýol ulgamyna birikdirilen ýokary tizlikli ýolagçy otly gatnaw ugruny döreder, bu bolsa sebitiň çägindäki aragatnaşygy gowulandyrýar hem-de Wetnam bilen araçäge golaýdaky Pingsiana göni ýol açar.
