Sindao şäherinde transmilli korporasiýalaryň sammiti açyldy
44 ýurtdan 357 kompaniýa, “Fortune Global 500” sanawyndan 105 sany dünýä ägirdi gatnaşýar. Hyzmatlar ulgamyndan gatnaşyjylaryň paýy rekord derejä — 20%-e ýetdi. Sindaodaky bu üç günlük sammit taryhyň iň wekilçilikli maslahatyna öwrüldi. Mowzugy: “Transmilli korporasiýalar we Hytaý: 15-nji bäşýyllyk maksatnamasynyň çäginde innowasiýalary we geljegi öňe sürmek”.
“CCTV+” habarlar gullugynyň habar bermegine görä, duşenbe güni Hytaýyň gündogaryndaky Şandun welaýatynyň Sindao şäherinde dünýäniň 44 ýurdundan we sebitinden 357 kompaniýanyň gatnaşmagynda transmilli korporasiýalaryň üç günlük ýedinji sammiti başlady. Gatnaşyjylaryň arasynda “Fortune Global 500” sanawyndan 105 kompaniýa we pudagyň 252 sany öňdebaryjy kärhanasy bar. Bellärlikli tarapy, häzirki zaman hyzmatlar ulgamynyň kärhanalarynyň paýy gatnaşyjylaryň 20%-ine barabar bolup, bu täze taryhy rekorddyr.
“Transmilli korporasiýalar we Hytaý: 15-nji bäşýyllyk maksatnamasynyň çäginde innowasiýalary we geljegi öňe sürmek” mowzugyna bagyşlanan sammit açylyş dabarasyny, transmilli korporasiýalaryň ýokary hilli ösüş meseleleri boýunça forumy we birnäçe ugurdaş sessiýalary öz içine alýar. Sammitde şeýle hem Hytaýyň açyklyk syýasatyny, bazar mümkinçiliklerini we 15-nji bäşýyllyk döwründäki (2026–2030-nji ýyllar) innowasiýa mümkinçiliklerini hemmetaraplaýyn beýan edýän “Hytaýdaky transmilli korporasiýalar” atly barlag hasabaty hödürlener. Sammitiň maksady — halkara kompaniýalarynyň Hytaýyň senagat, logistika we innowasiýa zynjyrlaryna düýpli integrasiýasyna ýardam bermekden ybaratdyr. Bu bolsa olara Hytaýyň giň bazarynyň artykmaçlyklaryndan peýdalanmaga, innowasion ösüşiň netijilerini görmäge we institusional açyklykdan peýda görmäge mümkinçilik berer.
Hytaýda diňe halkara korporasiýalaryna bagyşlanan ilkinji ýokary derejeli we institusional ykdysady hem-de söwda çäresi bolan bu sammit, 2019-njy ýylda esaslandyrylandan bäri yzygiderli alty gezek geçirildi. Alty ýylyň dowamynda ol hemişe “Halkara kompaniýalary we Hytaý” diýen esasy mowzuga ünsüni gönükdirip, döwür bilen aýakdaş gidip, yzygiderli ösdi. Bu çäre diňe bir halkara kompaniýalarynyň Hytaý bazaryna düýpli integrasiýasyna şaýat bolman, eýsem Hytaýyň ýokary derejeli açyklygy giňeltmäge we ählumumy derejedäki kärhanalar bilen hyzmatdaşlygy çuňlaşdyrmaga bolan ygrarlylygyny hem görkezdi.
Sindao şäherinde geçirilýän transmilli korporasiýalaryň sammiti (Qingdao Multinationals Summit) 2019-njy ýyldan bäri geçirilip gelinýär. Bu, Hytaýda diňe halkara korporasiýalaryna gönükdirilen ilkinji we ýeke-täk ýokary derejeli institusional meýdançadyr. 15-nji bäşýyllyk maksatnamany (2026–2030) Hytaýyň sosialistik özgertmeler ýolundaky esasy tapgyrydyr. Hyzmatlar ulgamyndan gatnaşyjylaryň rekord derejedäki 20%-e ýetmegi bolsa, Hytaýyň ykdysadyýetiniň ýokary tehnologiýaly hyzmatlara we innowasiýalara tarap ugrukdyrylýandygyny görkezýär.
44 ýurtdan 357 kompaniýanyň bir şäherde jemlenmegi diňe bir işewürlik duşuşygy däl-de, eýsem bu ynamdyr. Ählumumy durnuksyzlyga, sanksiýalara we söwda dawalaryna garamazdan, dünýä korporasiýalary ýene-de Sindaony saýlaýarlar. Fortune 500 sanawyndaky 105 sany ägirt kompaniýa, eger peýda görmedik bolsalar, resmi dabaralar üçin wagt sarp etmezdiler. Hyzmatlar ulgamyndan gatnaşyjylaryň 20%-e ýetmegi bolsa bir yşaratdyr: Hytaý indi diňe bir “dünýäniň zawody” däl. Ol “pikirleriň, hyzmatlaryň we innowasiýalaryň dünýä bazaryna” öwrülýär. Sammitiň zallarynda 15-nji bäşýyllyk maksatnamany maslahatlaşylýan wagty, onuň çäklerinden daşarda ählumumy ykdysadyýetiň täze sahypasy ýazylýar — gaty sesli şygarlar bilen däl-de, anyk şertnamalar bilen.
