Hytaýyň ZXMOTO kompaniýasy supersport dünýäsinde ýene-de ýeňiş gazanýar: möwsümdäki altynçy ýeňiş, hytaý komponentleri italiýaly inženerleriň garaşyşyndan hem ýokary boldy
16 öwrümi bolan 4,2 kilometr uzynlykdaky ýol, bu öwrümleriň köpüsi pes tizlikli çylşyryly öwrümlerdir. Hytaýyň toparynyň düzümindäki fransuz ýaryşçysy Walentin Debiz öndürijä altynçy ýeňşini getirdi. Ýewropa we Ýaponiýa brendleri çynlakaý bäsdeş tapdy. ZXMOTO-nyň Italiýadaky operasion menejeri: «Her hepde Hytaýdan motosikllary döwrebaplaşdyrmak üçin materiallar gelýär» diýdi. Tehniki direktor hytaý motosikline « kämil ýaryş ulagy» diýip baha berdi.
“CCTV+” habarlar gullugynyň berýän maglumatyna görä, Hytaýyň ZXMOTO kompaniýasy şenbe güni Supersport boýunça dünýä çempionatynda (WorldSSP) ýene bir ýeňiş gazanyp, Hytaýyň önümçilik kuwwatyny nobatdaky gezek görkezdi. Italiýanyň Emiliýa-Romanýa sebitinde geçirilen birinji ýaryşda ZXMOTO toparynyň fransuz sürüjisi Walentin Debis ýeňiş gazanyp, özüniň şu möwsümdäki altynçy ýeňşini hasabyna ýazdyrdy.Umumy uzynlygy 4,2 kilometr bolan bu ýol 16 sany öwrüm bolup, olaryň agramly bölegi pes tizlikli we tehniki taýdan çylşyrymly öwrümlerdir. Dürli ýaryş şertlerinde üpjünçilik zynjyryndaky üýtgeşmelere çalt uýgunlaşmak ukyby bu ýeňişde esasy şert boldy.
ZXMOTO-nyň Italiýadaky operasion menejeri Fabio Ewangelista şeýle diýdi: «Her gün, her hepde Hytaýdan materiallar gelip gowuşýar. Olar ýaryş motosikllaryny döwrebaplaşdyrmak we bäsdeşlige ukyplylygyny artdyrmak üçin ulanylýar».Ýaryşdan soň ZXMOTO-nyň Italiýadaky tehniki direktory Mauro Pellegrini Hytaýda öndürilen möhüm bir bölek bolan trawersa (motosikliň öňki çarşagyny birleşdirýän bölek) öwrümlerde durnuklylygy üpjün edýändigini belledi. «Ol has berk, bu bolsa motosikliň durnuklylygyny üpjün edýär. Biz ony häzir ulanýarys. Hytaýyň oňat motosikllary öndürip biljekdigine bilýärdim we ynanardym, emma onuň beýle derejede gowudygy meniň garaşyşymdan hem ýokary boldy. Munuň iş ýüzünde kämil ýaryş motosiklidigini aýdyp bilerin» diýip, Pellegrini sözüniň üstüne goşdy.
Uzak wagtlap WorldSSP ýaryşlarynda esasy bäsdeşler Ýewropa we Ýaponiýa brendleridi. Emma ZXMOTO-nyň peýda bolmagy ýaryşlary has-da gyzykly etdi. Supersport boýunça dünýä çempionatynyň (WorldSBK) ýerine ýetiriji direktory Gregorio Lawilla şeýle belledi: «Täze gatnaşyjylar we täze öndürijiler hemmelere çynlakaý bäsdeşlik hödürlediler. Bu sport üçin, bäsdeşlik üçin örän gowy ýagdaý. Hytaý brendleriniň hiliniň diňe bir motosikl däl, eýsem awtomobil pudagyndada yzygiderli ýokarlanýandygy aýdyňdyr. Öndürijilik taýdan olar doly bäsdeşlige ukyplydyrlar».
WorldSSP (FIM Supersport World Championship) — bu superbaýkdan soňra motosikl ýaryşlarynyň ähmiýeti boýunça ikinji derejeli klasydyr. ZXMOTO — dünýä ýaryş meýdançasyna işjeň çykýan Hytaýyň motosikl öndürijisidir. Trawersa — motosikliň öňki asma ulgamynyň (rul sütüniniň kronşteýni) bir bölegi bolup, öwrümlerde durnuklylygy saklamak üçin örän uly ähmiýete eýedir.
Hytaý motosikli her bir detaly ýaryş taryhyndan püre-pür bolan Italiýanyň ýollarynda ýeňiş gazananda, dünýägaraýyş üýtgeýär. Ýaňy-ýakynda “Hytaýda öndürilen” diýen jümle göçürme nusgalar bilen baglanyşdyrylýardy. Şu gün bolsa “Ducati” we “Aprilia” ýaly kämil brendlere öwrenşen italiýaly inženerler “kämil ýaryş motosikli” barada uly hormat bilen gürleýärler. ZXMOTO diňe bir ýetip gelmän, eýsem, garaşyşyňyzdan hem öňe geçýär. Hytaýda öndürilen trawersa pes tizlikli öwrümlerde durnuklylygy üpjün edende we ýeňişler yzygiderli häsiýete eýe bolanda, bu motosikl sporty dünýäsinde täze güýjüň peýda bolandygyny aňladýar. Hereketlendirijiler diňe bir ýolda däl, eýsem, hytaýly inženerler hiliň milletiniň ýokdugyny subut edýän sehleriň içinde-de gürleýärler. Onuň diňe bir ölçegi bar, ol hem — ýeňişdir.
