Duçzýanýanyň asmanyny 33 615 sany dron ýagtylandyrdy. Hytaý iki sany Ginnesiň dünýä rekordyny goýdy: iň uly köpçülikleýin birwagtda uçuş we iň uly howa kompozisiýasy
Şounyň bäş bölümi, Gündogaryň 28 ýyldyz topary, äpet pandalar, ýüzýän adalar we taryhy 2000 ýyldan hem aşýan gadymy suwaryş ulgamy şekillendirildi.
“CCTV+” habarlar gullugynyň habar bermegine görä, Hytaýyň uçarmansyz uçuş enjamlary tehnologiýasy täze eýýama gadam basdy. Syçuan welaýatynyň Duçzýanýan şäherinde 33 000-den gowrak dron rekord derejeli yşyk şousyny görkezdi. Şunda dronlaryň iň köp sanly birwagtda uçuşy we iň uly howa kompozisiýasy boýunça Ginnesiň dünýä rekordlary goýuldy.
Şo tehnologiýany, medeniýeti we şäheriň täzelenişini özünde jemleýän bäş bölekden ybarat boldy. Resmi güwänama bu çäräniň gerimi, dizaýny we howa görkezilişi boýunça uly öňegidişlikdigini tassyklady. Taryhda ilkinji gezek bu üç elementi bir ýerde jemlendi.
Birinji bölümde 33 615 sany dron Gündogaryň 28 ýyldyz toparyny şekillendirýän kompozisiýany görkezdi. Bu Duçzýanýanyň suw serişdelerini dolandyrmak baradaky gadymy filosofiýasyny, ýagny adam bilen tebigatyň arasyndaky sazlaşygy açyp görkezdi. Ondan soňky bölümlerde şäheriň mirasyny we häzirki zaman durmuşyň janlylygyny alamatlandyrýan äpet pandalar hem-de ýüzýän adalar ýaly medeni nyşanlar hödürlendi.
Şäher özüniň gadymy suwaryş ulgamy — biziň eramyzdan öňki 256-njy ýylda gurlan bendsiz suw sowujy taslamasy bilen meşhurdyr. Bu, iki müň ýyldan gowrak wagtyň dowamynda sil daşgynlaryna we ýer titremelerine döz gelen hem-de häzirki güne çenli ulanylýan dünýädäki iň gadymy we ýeke-täk saklanyp galan iri gidrotehniki taslamadyr. “Balygyň agzy” şeklindäki suw bölüji Minszýan derýasyny suwaryş üçin niýetlenen içki kanala we sil suwlaryny akdyrmak üçin daşky kanala bölýär.
Duçzýanýan suwaryş ulgamy 2000-nji ýylyň noýabr aýynda ÝUNESKO-nyň Bütindünýä medeni mirasynyň sanawyna, 2018-nji ýylyň awgustynda bolsa Halkara suwaryş komissiýasy tarapyndan Bütindünýä suwaryş inženerçilik mirasy sanawyna girizildi.
33 615 dron. 28 ýyldyz topary. 2000 ýyllyk taryh. Duçzýanýan — gadymy filosofiýanyň häzirki zaman tehnologiýalary bilen utgaşýan ýeri. Ozal bu ýerde suwy dolandyrýardylar. Indi bolsa — yşygy. Biziň eramyzdan öň gurlan ulgam häzir hem işleýär. Onuň üstündäki asman bolsa müňlerçe enjam uçup, pandalaryň we ýyldyzlaryň şekillerini çizýärler. Mesele Hytaýyň näçe rekord goýjakdygynda däl. Mesele dünýäniň galan böleginiň bu şouwa haçana çenli agzyny açyp seredip durjakdygynda. Olar oýlanýança, dronlar eýýäm howada. We olaryň sany her gezek barha artýar.
