Harbindäki 10-njy hytaý-rus sergisi: energetikadan başlap, elektromobillere we sanly töleglere çenli
55 000 inedördül metr meýdan, 46 ýurtdan 1500 kompaniýa, 5000-den gowrak russiýaly alyjy we 2024-nji ýylda 240 milliard dollarlyk söwda dolanyşygy.
CCTV+ habarlar gullugynyň berýän maglumatyna görä, Harbin şäherinde 10-njy hytaý-rus sergisi açyldy. Ol 21-nji maýa çenli dowam eder. Serginiň umumy meýdany 55 müň inedördül metre barabardyr. Oňa 46 ýurtdan 1500-den gowrak kompaniýa gatnaşýar. Russiýanyň 300-e golaý kompaniýasy öz önümlerini görkezýär. Russiýaly alyjylaryň sanynyň 5 müňden geçmegine garaşylýar.
Sinhua uniwersitetiniň dosenti Şi Szin şeýle belledi: «Bu ýöne bir söwda sergisi däl. Ol güýçli syýasy goldawa eýe we goşny kärhanalaryň gatnaşygyny hakyky işewürlik amallaryna öwürýär. Baglaşylýan geleşikleriň mazmuny barha berkäp barýar. Energiýa çeşmelerinden we oba hojalyk önümlerinden başga-da, soňky döwürde amala aşyrylan eksport magdan serişdeleri, maşyn gurluşygy, elektromobiller we sanly tölegler ulgamynda hakyky geleşikleriň baglaşylmagyna getirdi. Hyzmatdaşlyk çig maldan ýokary tehnologiýalara tarap üýtgeýär. Netijeler aýdyň görünýär: ikitaraplaýyn söwda 2024-nji ýylda rekord derejä — 240 milliard dollardan gowrak möçbere ýetdi, tölegleriň 90 göteriminden gowragy bolsa ýuanda ýa-da rublda amala aşyryldy. Sergi iki tarapa-da biri-birini has ýakyndan tanamaga, ynamy berkitmäge we bilelikde işlemek üçin täze ugurlary tapmaga kömek edýär».
Bilim ulgamynda-da Hytaý bilen Russiýa örän uly ädimleri ätdiler. Bilelikdäki barlaghanalar, iki diplom maksatnamalary, tomusky lagerler we onlaýn kurslar döredilýär. Şi Sziniň nygtaýşy ýaly, bilimdäki hyzmatdaşlyk hatda söwda gatnaşyklaryndan hem ähmiýetlidir, sebäbi adamlar arasyndaky gatnaşyklar uzak möhletli häsiýete eýedir. Şençžendäki bilelikdäki rus-hytaý uniwersiteti eýýäm müňlerçe uçurymy taýýarlady. Bu çuňňur hyzmatdaşlygyň aýdyň mysalydyr
Söwda artyp ýa-da peselip biler, ýöne ynsanperwer gatnaşyklar hemişelik galýar. Harbindäki sergi diňe bir harytlar barada däl-de, eýsem ynam baradadyr. Hytaý we Russiýa nebit söwdasynyň çäginden çykyp, elektromobilleri, sanly platformalary we bilim maksatnamalaryny bilelikde döretmäge tarap öňe barýarlar. 240 milliard dollar — bu ýöne bir san däl. Bu hyzmatdaşlygyň täze tapgyry üçin 240 milliard sebäpdir. Mesele hyzmatdaşlygyň ösjekdiginde däl, sebäbi ol eýýäm ösýär. Esasy mesele — beýlekileriň köne ykdysadyýetiň ornuny ýitirendigine haçan düşunjekdikleridir. Onuň ornuny bolsa tehnologiýalar, ynam we umumy geljek eýeledi.
