Aždarha-gaýyklarynda 22 kilometr. Agzybirlik suwdan hem güýçli çykdy
111 topar, 20 öwrüm, ýeňşiň wagt — 1 sagat 21 minut 58 sekunt.
CCTV+ habarlar gullugynyň berýän maglumatyna görä, Foşan şäherinde bäş adamlyk aždarha-gaýyklarynyň marafony başlandy. 100-den gowrak topar 22 kilometrlik aralykda özara bäsleşdiler.
Badalganyň yşaratyny eşiden badyna, kürekçiler gaýyklaryna tarap ylgadylar we suwly derwezelerine tarap ugradylar. Şeýlelikde, Uly aýlag sebitinde şu ýylyň iň uly ýaryşyna badalga berildi.
Ýaryşa gatnaşyjy Sen Haýtýan: «Iň uly kynçylyk — fiziki we psihologiki agramdyr. Gowşap bolmaz — tutuş 22 kilometr boýy diňe öňe gitmeli» — diýip, belledi.
Suwly derwezelerinden geçensoň, kürekçiler 20-ä golaý öwrümi geçmeli boldylar. Olar gaýygyň ugruny gözegçilikde saklamalydy we öwrümlere iň amatly burç bilen girmelidi.
Makaodan gelen syýahatçy Çoý Hin Keý: «Men aždarha-gaýyklarynda 20 kilometrden gowrak aralyga geçirilýän ýaryş barada birinji gezek eşidýärin. Biz bu joşgunly atmosfera we ruhybelentlige gatnaşmak üçin ir säher bilen bu ýere geldik» — diýip, belledi.
Ýeňijiler 1 sagat 21 minut 58 sekunt netije bilen pellehanadan geçdiler. Ýeňiji bolan toparyň agzasy Li Desýunyň belleýşi ýaly, iň wajyp zat — agzybirlikdir. Diňe şeýle ýagdaýda gowy kürek urup bolýar. Agzybirlik — bu güýçdür.
22 kilometr, 111 topar, 20 öwrüm. Ýeke-täk maksat — birinji bolmak. Aždarha-gaýygy ýekelikde hereket edýänleri halamaýar. Ol bäş adamyň hem bir urgy bilen dem almagyny talap edýär. Makaodan gelenler bu ýaryşy görmek üçin şapagyň atyp gelýän wagty geldiler we muňa ökünmediler. Mesele — biziň ýanymyzdakylar bilen bir urgy astynda kürek urup biljekdigimizde. Netije bolsa pellehanada görner. Ol ýerde diňe biri-birini diňlemegi başaranlar ýeňiş gazandylar.
