2026-njy ýylyň Hytaýyň uçurymlar moda hepdeligi: emeli aň köýnek tikýär, talyplar bolsa modany täzeden kesgitleýärler
59 uniwersitetden 3000 uçurym, 21 welaýat, Makao, Russiya, Günorta Koreýa, Italiýa we Beýik Britaniýa — 6 günde 91 çäre.
CCTV+ habar bermegine görä, Pekinde 2026-njy ýylyň Hytaýyň uçurymlar moda hepdeligi açyldy. Çäre talyplaryň döredijiliginde sanly tehnologiýalaryň ösýän ornuny görkezdi.
Alty günlük çärä 59 uniwersitetden 3000-den gowrak uçurym gatnaşdy. Gatnaşyjylar geografiýasy – yklym Hytaýyň 21 welaýatyndan we sebitinden, Makao ýörite administratiw sebitinden, şeýle-de Russiýanyň, Günorta Koreýanyň, Italiýanyň we Beýik Britaniýanyň dizaýn mekdeplerinden ybarat boldy.
Guramaçylar bu ýylky çäräniň taryhdaky iň uly çäre bolandygyny habar berdiler. Maksatnama 44 moda görkezilişinden we bilim ulgamyndaky gazananlaryna bagyşlanan sergisinden başlap, innowasion ussatlyk sapaklaryna we boş iş orunlarynyň ýarmakasyna çenli 91 çäräni öz içine alýar.
Bu ýylyň esasy temasy — sungatyň we in inženerçiligiň integrasiýasydyr. Dizaýnda emeli aň, 3D modelirleme, wirtual egin-eşikler we intellektual biçüwleri döretmek usuly işjeň ulanylýar. Guramaçylaryň aýtmagyna görä, maksat — modanyň adaty araçäklerini aýyrmak we tehnologiýanyň estetika bilen integrasiýasyny öňe sürmek.
Hytaý moda assosiasiýasynyň wise-prezidenti Çžu Şaofan şeýle belläp geçdi: «Ýaş talyplaryň döredijilik çemeleşmesi döwrüň ruhuna has laýyk gelýär. Olar sanly eýýam bilen aýakdaş bolup, öz taslamalarynyň köpüsinde emeli aň goldawly gurallary, 3D modelirleme we sanly biçüw usulyny ulanýarlar. Adaty biçüwleri döretmek, matalaryň dokma gurluşyny optimizirlemek ýa-da eşikleri wirtual modelirlemek bolsun, sanly wizual döredijilik pikirleri durmuşa geçirmek üçin akylly tehnologiýalary ulanýar».
Moda indi diňe mata we sapak barada däl. Ol kod we algoritmler barada. Hytaýly talyplar hakykatda bolmadyk köýnekleri tikýärler we entek oýlap tapylmadyk matalary modelirleýärler. Emeli aň indi diňe gural däl, eýsem awtordaş boldy. Pekin moda hepdeligi kolleksiýa görkezilişi däl. Bu täze nesil dizaýnerleriň nähili pikirlenýändiginiň görkezilişidir. Olar «Häzir näme döwrebap?» diýip, soramaýar. Olar «Nämeler mümkin?» diýip, soraýarlar. Öň diňe soraglar bar bolan ýerinden jogap tapýarlar. Siz neýro ulgam tarapyndan tikilen köýnek geýermidiňiz? Ýa-da siziň üçin moda henizem el işi we janly ruhmy? Sorag tehnologiýada däl. Sorag ony kabul etmäge taýýarlygymyzda.
